Bannaynta meelaha xirma
Haddii aadan fahmin tusmooyinkaan ama aad dareensan tahay inaadan waxba samayn karin, la xiriir Xarunta Xiriirka Guryaha ama TMO.
1.gif)
1.gif)
1.gif)
Talo guud
- Meelaha xirma waxaa badanaa keena qashinka oo ka buuxsama sida xayrta, caleenta shaaha, timaha iwm. Waxaa wanaagsan in mar kasta la nadiifiyo tuubooyinka qashinku maro iyo dhuumahaba, waxaana fiican in lagu nadiifiyo alaabta loogu talagalay oo taal dukaamada qalabka dhismaha (DIY).
- Dhuuntu waxay ka hooseysaa (saxammada musqusha iyo jikada). Dhuuntu waxay mar kasta ceshataa xoogaa biyo ah oo loogu talagalay inay hor istaaagaan urka bullaacada ka soo baxaya. Hase yeeshee wasakhda ayaa ka buuxsami karta oo meesha xiri karta.
- Haddii ay meelo (saxanka musqusha, jikada iwm) badani xirmaan, waxaa dhici karta in xiranku ka yimid xiran wayn ama bulaacadda wayn. Arrintaanina waxay u baahan tahay in tuubiiste uu baneeyo. Haddii arrintu ay sidaas tahay nala soo xiriir.
Maxaa la sameeyaa
Waxaad u baahan tahay:
- baaquli
- kirli ama koob
- maro ama istaraasho
- biyo fure
- gacmo gashi rabar ah.
Biyo ka sii daynta saxanka musqusha qubayska ama jikada:
- koobka ama kirliga biyaha badankood kaga dhur
- si adag marada ugu qabo biyaha hareeraha ku haray
- biyo furaha saar godka biyuhu galaan korkiisa ka dibna kor iyo hoos ugu cadaadi. riixidaan ayaa sida caadiga ah biyaha furta
- marka aad furtid meesha xirantay fur dhuunta oo wasakhda ka nadiifi
- marka aad dhammaysatid si fiican gacmahaaga iyo qalabka kaleba u dhaqo.
Biyo ka sii daynta musqusha:
- haddii godku uu horay u buuxay, ka dhur biyaha qaar adigoo isticmaalaya kirli ama baaquli
- ku riix burushka ama biyo furaha salka godka
- kor iyo hoos si xoog ah ugu riix-riix ilaa 10 mar. Riixidaani waxay keenaysaa culays laga yaabo in biyuhu furmaan
- biyaha lagu dhaqo musqusha ku fur si aad u aragtid in godku furmay iyo in kale
- waxaa laga yaabaa inaad u baahatid in dhowr mar arrintaan lagu celceliyo ka hor inta aan musqushu caadi ku soo noqon. Haddii aad dhowr mar isku dayday oo waxba hagaagi waayaan waa inaad nala soo xiriirtaa
- marka aad dhammaysid si fiican gacmahaaga iyo qalabka kaleba u dhaqo.
